مطلوب عروسة ! – الجزء الثاني

عايز اتجوز… طبيعي جدا ان يكون دة مطلب اساسي عند العزاب و دة موضوع اتكلمنا فية من قبل -طلوب عروسة !- لكن حبين نتكلم تاني عن نفس الموضوع لان العزاب كتير و المواصفات اللي بيطلبها كل عازب مننا مختلفة -الحمد لله- المرة دي العزاب كانوا مجتمعين في كافية و كالعادة اتفتح موضوع الجواز و واحد من العزاب عبر عن اللي بداخلة و بداخل كتير مننا وقال “انا عايز اتجوز وحدة مش عيزة تتجوز” 🙂

فعلا في مجموعة كبيرة مننا مش عيزين يتجوزوا وحدة عيزة تتجوز لان ديما في بنت بتبقي كل همها ان هي تتجوز ودي قمة تحقيق الطموح -اعتقد ان هي اصلا معندهاش طموح- الجواز ليس هو نهاية المطاف, والنوع دة من البنات بيبقي واضح جدا في وسط اي جروب تلاقيها واضحة جدا من اسئلتها

وجهة نظر العازب هنا ان هو عايز يرتبط بفتاة تشاركة و يشاركها المستقبل, يكون جوازهم بداية حياتهم مش نهاية كل طموح واحلام العازب كما هوا متعارف علية في كتير من الحالات اللي بيشوفها العزاب حولهم

هنا ينشئ الصراع بين رغبتة في الزواج و بين خوفة من الاقدام علي الخطوة دي, اكيد في بنات كتير بترد وتقول طب ما انتوا اصلا متسربعين علي الجواز و هتموتوا و تتجوزوا, لكن هنا في فرق  الجواز بالنسبة للعازب بيمثل استقرار في جانب من حياتة لمساعدتة علي النمو في الجوانب الاخري و لنا موضوع تاني عن تلك النقطة