Updates from admin Toggle Comment Threads | Keyboard Shortcuts

  • admin 8:22 am on December 15, 2012 Permalink | Reply
    Tags: , ,   

    ماذا بعد التنحي ؟ 

    طبعا انا مش هقول انا هعمل فيكوا ايه ؟

    انا هسيب اﻻيام هيا اللي هتوريكوا

    😛 😀

    بس احب اقول لاخويا اسلام محمود

    A90XF66CUAACyZ-

    مكنش يومك يا خويا .. ليه عملت في نفسك كدا ياخويا

    😀

    هتوحشنا والله يا صاحبي

    كان معكم اسلام ضياء

    من حركة : عزاب .. صامدون حتى النهايه

     

     
  • admin 12:52 am on December 15, 2012 Permalink | Reply  

    بيان التنحي 

    Just-Engaged

    يا شعب العزاب فى هذة الظروف العصبية التى تمر بها البلاد قررت انا اسلام محمود ان اتخلي عن منصبي ضمن المجلس الاعلي للعزاب واكلف اسلام ضياء المدعو بالاهلاوي لادارة شؤن العزاب و حمل الرايه والله الموفق والمستعان و عقبالكم جميعا

     
  • admin 1:01 am on December 13, 2012 Permalink | Reply
    Tags: , , , ,   

    12-12-2012 التطور الطبيعي ! 

    صباح الخير او مساء الخير على حسب الوقت اللي بتقرا فيه الكلام دا

    🙂

    البوست دي كتبتها امبارح 12-12-2012 بس ملحقتش انشرها نظرا لانشغالي

    ….

    بما ان النهارده 12-12-2012 .. ويوم مميز ومش بيتكرر اﻻ كل 100 سنه ، والله اعلم اذا كنت هعيش ال 100 سنه الجايين وﻻ ﻻ

    😀

    المهم فانا قررت اني اكتب بوست على السريع كدا فيه كلمتين كدا جوايا

    كنت ناوي ايام ما كنت مرتبط اني اكتب كتابي النهارده
    !!‬

    بس بعد ما فشلت في الموضوع دا قررت اني ادور على النص التاني وارتبط بيها النهارده‬ برضه

    ‫وبعد ما سافرت قررت اني احاول اعيش :D

    اللي انا عايز اقوله لكل عازب بقى زي حلاتي كدا او انيل او اقل

    – اجمد يا برنس او يا برنسيسه ، انت مش لوحدك وفي كتير زيك

    🙂

    – العزوبيه دي حلوة اووي ونعمه كبيره وتفائل وان شاء الله خير

    – خلي بالك من نفسك واهتم بنفسك ودايما اشتغل على نفسك واهتم انك تبني نفسك وتحسن من شخصيتك
    لان انت لما هتبني نفسك كويس هتغير نفسك ، وبعدين اهلك واصحابك وبلدك والعالم

    🙂
    علشان كدا بقولك خلي بالك من نفسك

    – تفاءل وان شاء الله نصيبك جاي جاي
    مش معنى انه اتأخر شويه يبقى مش جاي او ربنا ناسيك .. ﻻ ربنا مبينساش حد بس لكل اجل كتاب

    🙂

    لو انت بقى مرتبط او بتحب او خاطب او متجوز ، ف اوعى تسمع مننا كلمه

    – احنا عالم فاضيه عندنا فراغ عاطفي ومش ﻻقيين نصنا التاني !

    – في مننا اللي مبيدورش وفي اللي دور وملاقاش

    – وفي اللي دور ولقى وهيكتب استقالته من المجلس اﻻعلى للعزاب

    🙂

    اسمع كلامي .. حافظ على حبك بقدر الامكان واوعى تفرط فيه ابدااا مهما حصل
    فاهم ؟؟ مهما حصل

    ياﻻ اسيبكوا بقى وخلوا بالكوا من نفسيكوا

    سلام

     
  • admin 8:12 pm on October 31, 2012 Permalink | Reply
    Tags: , , عريس,   

    فرح اخونا د. محمد ابراهيم 

    المجلس الاعلى للعزاب ينعي بخالص اﻻسى الفقيد : د. محمد ابراهيم لدخوله عش الزوجيه
    🙂
    هتوحشنا والله
    🙂

    اجمدوا يا عزاب
    اصمدوا … اصمدوا … اصمدوا

    ..

    دي شويه صور من الفرح .. اوعي حد يدخل يقولي عقبالك
    انا بحذركوا اهو
    😀

    ..

    ..

    ..

    مبرووك يا صديقي
    واحب اقولك اوعى تدخل هنا تاني
    😀

    Yours ,
    Eslam Diaa

     
  • admin 12:29 am on October 10, 2012 Permalink | Reply  

    اعد في البيت و قررت هبسط نفسي :D 

    اهداء لكل عازب اعد في بيتهم دالوقتي و عايز يبسط نفسة (انا مبسوط و لابس الزعبوط)


     
  • admin 11:27 pm on September 12, 2012 Permalink | Reply  

    فصلان 

    مش عايز افكر في حاجة دالوقتي حالة من الهدوء السلام او الفراغ يقطعا السؤال الابدي من اهل البيت : مالك؟

    يارب اوعدني بحد يقدر الوضع دة

     
  • admin 9:13 pm on September 2, 2012 Permalink | Reply  

    فين نصي التاني ؟ 

    انا بدور علي نصي التاني النص اللي يكملني و يكون شبهي نفهم بعض و نتقبل بعض نستحمل بعض ونسعد بعض

    انا تعبان لوحدي حوليا ناس كتير بس برضو لوحدي

    ارحمونا يرحمكم الله

     
    • esl4m 5:12 am on September 3, 2012 Permalink | Reply

      امممممممم مش عارف اقولك ايه بصراحة .. بس ربنا يكون في عونك وعونا جميعا
      !
      كلنا ذاك الرجل
      مش هقولك غير ادعي ربنا باللي في قلبك واخلص في الدعاء وربنا يجوزك ويبعتلك بنت الحلال ان شاء الله
      🙂

  • admin 10:25 pm on July 29, 2012 Permalink | Reply
    Tags: , , , , , , ,   

    واحد بيفكر بره الصندوق 

    بوست عجبتني على الفيس بوك .. قولت اشيرها معاكوا ونشوف رأيكوا
    !!

    علمونا وإحنا صغيرين – ولاد وبنات – في البيت والمدرسة والجامع والتلفزيون، إن أول حاجة تعملها بعد التخرج هي إنك تشتغل علشان تجيب فلوس، وبالفلوس دي تحاول تجيب شقة، وتجيب تكاليف الجواز (مهر وشبكة ومصاريف خطوبة وفرح، والعفش اللي لازم يكون فيه حاجة اسمها “نيش” بنحط فيها الحاجات اللي هتشتريها بس عمرك ما هتستخدمها … وسفرة مش علشان ناكل عليها لكن علشان ياكل عليها الضيوف … وأوضة أطفال لسة متولدوش أساساً وهيحتاجوا 5 سنين لحد ما يبدأوا يستخدموها )

    ..

    وطبعاً أول ما الشاب يتخرج يفكر في الحاجات دي على طول … يروح يشتغل شغلانة مبيحبهاش … علشان يجيب فلوس يشتري بيها علية كبريت بيسموها شقة يتجوز فيها وخلاص … طبعا في المتوسط الشاب بيكون وصل 28 سنة لحد ما يكون قدر يجمع كل ده … وبيكون وصل لقمة الإرهاق اللي بيخليه عاوز يرتاح … وبيعتقد كدة إنه عمل إنجاز كبير … قدر يحوش فلوس كتير يتجوز بيها … إنجاز بقى … وبالتالي بيفكر – في الغالب – في مراته على إنها الست اللي هتريحه من التعب اللي هو كان فيه … يعني لما يرجع بالليل يلاقي الأكل جاهز … ولما يصحى الصبح يلاقي الهدوم مكوية … لإن زمان كان هو اللي بيعمل ده كله ومحدش بيسأل فيه

    ..

    الشاب اللي عنده 28 سنة ده … بيكون هو ” الوغد ” اللي بيخطف البنت اللي عندها 22 سنة اللي كان بيحبها واحد زميلها في الكلية … فزميلها بقى يكتئب … وهي تقول له: غصباً عني يا عمرو … بس بابا مصمم والعريس جاهز
    وطبعاً عمرو بيكون لسة عنده 22 سنة ومش عارف نظام جيشه إيه ولا نظام الشغل اللي هيشتغله …
    وبعد 6 سنين … عمرو هيكون عنده 28 سنة وهيكون قدر يجهز نفسه … ويكون دفع مقدم الشقة وجاب مصاريف الجواز والعفش اللي فيه ” النيش ” اللي هيحط فيه الحاجات اللي مش هيستخدمها طول عمره
    ويدور عمرو على عروسة ويلاقي بنت عندها 22 سنة كانت بتحب واحد زميلها … وهتقول له: غصباً عني يا شادي … بس بابا مصمم والعريس جاهز …

    وبعد 6 سنين شادي يبقى عنده 28 سنة

    فيه فرق بين العبودية والحرية … العبودية إنك تبقى داير في نظام مجتمعي مش فاهم معناه وعارف إنه غلط … بس داير برضه فيه …

    عارفين صلاح جاهين لما قال:
    يا طور يا مربوط أرفض تلف … أكسر تروس ساقيتك واشتم وتف … قال بس خطوة كمان وخطوة كمان … يا أوصل نهاية الطريق يا البير تجف

    بالضبط كدة إحنا … دايرين في ساقية مالها معنى ومحاوطين نفسنا بعادات وتقاليد غريبة …

    يعني إيه شبكة؟!! يروح الشاب من دول لأهل العروسة … يقولوا له: إحنا بنشتري راجل … وبنتنا بتاخد دهب بخمستاشر ألف جنيه … بس إحنا بنشتري راجل برضة!

    السؤال بس … إيه لازمة الشبكة؟!! … سلو بلدنا كدة … بس الشبكة دي هتضطر تأخر الجواز شهور لحد ما العريس يقدر يجمع تمنها … مش مهم بس سلو بلدنا كدة … طيب إيه لازمة النيش؟! … سلو بلدنا كدة … نجيبه ليه يعني؟!! … سلو بلدنا كدة … إيه لازمة السفرة الطويلة دي … سلو بلدنا كدة … بس إحنا بناكل على الأرض قدام التلفزيون …. ما إحنا عارفين … بس سلو بلدنا كدة

    أنا باكتب الكلام ده على فكرة لإن واحد صاحبي خطيبته قالت له لازم نشتري نيش … بكام؟! … بتلات آلاف جنيه … طلع من جيبه ودفعهم … بعدين سألها: هو النيش ده بتاع إيه؟!! … قالت له: علشان نحط فيه الصيني … قال لها: الصيني بيتحط في المطبخ؟!! … قالت له: أيوة … بس ده بيتحط فيه الصيني اللي مش هنستخدمه … الواد يا عيني مفهمش حاجة … بس بعد ما فهم حلف بالله العظيم إنه هيحط فيه هدوم … يهديك يرضيك … أبداً … هنحط فيه هدوم ….
    البنت قالت عليه معقد وفسخت الخطوبة 🙂

    بعد التخرج مش لازم تشتغل على طول شغلانة مبتحبهاش علشان تجيب شقة في منطقة مبتحبهاش وتدور على عروسة والسلام … بعد التخرج فيه حاجات تانية كتير بتتعمل … فيه إنك بتشتغل شغلانة بتحبها … ولو ملقتهاش … بتشتغل أي شغلانة مبتحبهاش لحد ما تلاقي شغلانة بتحبها … وبدل مصاريف الجواز والشقة دور على دورات وكورسات تطور من مستواك وتخليك مؤهل للشغلانة اللي بتحبها … وبعد ما تشتغلها … فكر وقتها في الجواز

    أنا اشتغلت صيدلي لسنتين ونصف … كان المرتب بيتصرف على الكتب والدورات … وسيبت شغل بفلوس كويسة علشان عاوز ألاقي وقت أدرس فيه إعلام … عشت فترة ب 300 جنية في الشهر وأقل كمان علشان ألاقي وقت أعمل الشغل اللي بحبه … وبعد سنتين ونص اختبار من ربنا … اتفتح الطريق قدامي فجأة

    وبخصوص الجواز … السفر والانفتاح على الثقافات المختلفة خلوني أشوف إننا محاوطين نفسنا بضمانات كتير أوي … وخلوني مقتنع إن الصح كل الصح إنك تبدأ بما تحتاج فقط … شقة إيجار أوضة وصالة ومهر بسيط وعفش بسيط هتستخدمه مش هتتفرج عليه … ولو ربنا أكرم بأطفال فوقتها ممكن تاخد شقة تاني أكبر شوية … ممكن بالشكل ده تتجوز وإنت عندك 22 سنة … ممكن عمرو يتجوز زميلته وممكن هي ترفض الشاب اللي عنده 28 سنة … ممكن الناس اللي بتحب بعضها تتجوز بعضها … ويبدأوا حياتهم من بدري بدل ما يتأخروا كتير

    لكن تبقى المشكلة في الأهل … الأهل اللي فاكرين إنهم كدة بيحموا بنتهم … في حين إنهم بيعذبوها فعلاً …. وظني في بناتنا خير … إن البنت لو مؤمنة فعلاً بالكلام ده فهتقدر تقنع أهلها … وهي دي البنت اللي قال عليها النبي: فاظفر بذات الدين تربت يداك … لإني لا أعتقد أن المنظرة من الدين

    للعلم، اللي كاتب الكلام ده ميسور ماديا والحمد لله … لكني أتكلم عن واقع مجتمعي كئيب … ورغم إني لا أفكر نهائياً في الزواج … لكني بعد وقت لا أعلمه … لو فكرت في الزواج … هافكر بالشكل ده … ومتأكد وقتها إن ربنا هيبعت لي إنسانة مؤمنة بالكلام ده

    ممكن تعيش عمرك كله بتدفع آقساط شقة تمليك في منطقة زحمة جداً وتفضل طول عمرك عايش في نفس المكان ومستحمل … وممكن تعيش في مكان ممتاز في شقة إيجار وكل كام سنة تغير المكان وتروح مكان مختلف وجيران جدد وحياة جديدة ويبقى عندك وفلوس تسافر برة وتتفرج على الدنيا وتاخد دورات تدريبية وتلاقي وقت تمارس هواياتك وكل ده في عز شبابك … وتاخد ثواب كمان لإنك مؤمن إن ربنا مبيقطعش الرزق عن عباده …
    وأنه من بات آمنا في سربه معافى في بدنه عنده قوت يومه فقد حيزت له الدنيا

    ممكن أكون غلط … بس أنا دماغي عاجباني كدة 🙂

    Emad-eldin Elsayed

     
  • admin 3:43 am on June 6, 2012 Permalink | Reply
    Tags: , ,   

    اوعى 

    اوعى

    اوعى في يوم تصدق واحدة تقولك الكلام الاتي دا :

    – انا عمري ما هحب غيرك

    – انا عمري ما هتخيل نفسي مع حد غيرك

    – متخافش .. انا مينفعش اكون غير ليك

    – انا اموت نفسي وﻻ اكون مع حد تاني غيرك

    – انا كل ليلة بحلم بيوم خطوبتنا انا وانت .. وانت واقف جمبي وماسك ايديا

    ويوم ما هتتخطب للشاب اللي معاه فلوس اكتر منك او جاهز عنك

    هتلاقي صورها مغرقة تويتر وفيس بوك وهيا شبه عروسة المولد ويمكن تكون ملزقه زيها برضه

    وهيكون جمبها طبعا الخروف -احم- قصدي العريس .. عريس المولد

    وكأن لسان حالها بيقول : عبوكوا كلكوا

    😀 😀

    واذا كانت قالتهولك ف : البس علشان خارجين

    😛

    بالشفا يا معلم

    😀

     
  • admin 4:11 pm on April 25, 2012 Permalink | Reply
    Tags: , ,   

    في عيدها قررت اخطبها 

    ازيكم يا عزاب
    🙂

    اقر انا اسلام ضياء .. اني غيرت الحاة اﻻجتماعية بتاعتي من عازب .. الى خاطب

    هذا والله الموفق وربنا يستر ومنفسخش الخطوبة قريب
    😆

    قصة حب

    كنت بحبها من زمااااااان ، وكنت مخبي على كل الناس ومكنتش عايز اقول لحد
    علشان خايف على مشاعرها وخايف حد يحسد حبنا

    هيا اشتريتلي امبارح دبلة الخطوبة وانا للاسف مكنش معايا حاجة اعوضها بيها غير اني اعترف بحبنا
    قدام الناس كلها

    والنهاردة قدام كل الناس اعلن ان رغم كل البهدلة اللي شوفتها ولسه بشوفها ، وبرغم كل الاهانات ورغم كل حاجة

    فانا بعترف النهاردة قدام الناس كلها اني بحبها
    🙂

    ..

    كل سنة وانتي طيبة يا حبيبتي ، وان شاء الله انا وراكي لحد ما اشوفك احلى بلد في الدنيا
    🙂

    كلمة لحبيبتي : ارجوكي متحاوليش تبهدلي فيا كتير .. علشان انتي عارفه ان خلقي ضيق وبزعل بسرعة
    😀

     
c
Compose new post
j
Next post/Next comment
k
Previous post/Previous comment
r
Reply
e
Edit
o
Show/Hide comments
t
Go to top
l
Go to login
h
Show/Hide help
shift + esc
Cancel