Tagged: عازب Toggle Comment Threads | Keyboard Shortcuts

  • admin 11:06 pm on April 20, 2014 Permalink | Reply
    Tags: , عازب, عزاب سابقون,   

    مبرووك مبروووك 

    بصفتي واحد من مؤسسين الكيان دا

    صوت العزاب

    واعتقد اني الوحيد اللي باقي منهم لسه وربنا يستر

    😀

    ف احب ابارك واهني لاخويا وصديقي

    السيد جمال

    عقد زواج السيد جمال 🙂

    امبارح 19 ابريل 2014

    مبروك يا اخ سيد

    10295771_10202518098851989_4015432730516479408_n

    برضه عايز ابارك لاخويا وصاحبي

    تامر كمال

    اللي فرحه كان يوم الخميس 10 ابريل 2014

    1901533_248705508637058_1477190020_n

    الف مبروك يا تموره

    😀

    ..

    كان نفسي اكون موجود معاكو والله يا شباب

    بس ياﻻالحمد لله

    الف مبروووك يا شباب وعقبال ما افرح بعيالكو كدا

    🙂

    ..

    * الصور مسروقه من بروفايلات العرسان

     
  • admin 12:46 pm on October 31, 2013 Permalink | Reply
    Tags: عازب, عبدالرحمن محمد, قيس وليلى, هاااححححح, ولما تلاقينا   

    هااااححححححح 

    ..

    ولما تلاقينا على سفح رامة .. وجدت بنان العامرية أحمرا

    فقلت خضبت الكف بعد فراقنا .. قالت معاذ الله ذلك ما جرى

    ولكنني لما وجدتك راحلا .. بكيت دما حتى بللت به الثرى

    مسحت بأطراف البنان مدامعي .. فصار خضابا في يدي كما ترى

    ….

    هاااححححح

    يا سلام يا عم قيس يا رايق انت

    ابختك يا عم

    ..

    انا اﻻقي واحده تقولي ” بكيت دما حتى بللت به الثرى ” ، وافضل عازب ؟؟

    دا انا ابيع العزاب والموقع والعزوبية واصحابي

    واشتريها

    يااااااااااه … مسسسمممم

    هااااحححححح

    😀 😀

     
  • admin 3:43 pm on September 1, 2013 Permalink | Reply
    Tags: , , , , , سعيد وسعيدة, عازب   

    هو مين اللي خان ؟ 

    هو مين فينا اللي خان ؟

    بيقولوا دايما البنات هي اللي بتخون .. اول ما بتلاقي الشاب الجاهز بتوافق علطول

    وبيقولوا برضه: ان الشاب هو اللي بيخون وهو اللي بياع ، وكل يوم قلبه مع واحده ، وزي القرع يمد ل بره

    ..

    الحقيقة ان مفيش حد بيخون حد

    اه .. اه .. فكر فيها كدا

    هي في نظرك لقت الشاب الجاهز او الحب القديم وخانتك

    بس في نظرها انها عايزه تلحق سنها وشبابها والعيلة وكلام العيلة بيبتدي عليها اول ما توصل 21 سنه

    ..

    وهو في نظرك انه زي القرع وديل الكلب والكلام دا كله

    بس من وجهة نظره انه عايز البنت الكاملة .. او اهله ضغطوا عليه علشان الجوازة دي في مصلحة العيلة والكلام دا

    ..

    طيب بالمختصر المفيد

    لا هي خانتك ولا هو خانك .. كل الحكاية مصالح
    🙂

    كون انك بقى مش فاهم ان الحياة مصالح .. يبقى العيب فيك انت

    طبعا دي مش نظرة تشاؤمية .. ابسلوتلي .. دي الحكيكة

    ودا رأيي وانا حر فيه

    !!

    في النهاية احب اهنئ سعيد وسعيده على الفرح السعيد في حضور المعازيم السعداء .. في هذا الكوكب السعيد بساكنيه

    …….

    .

    عايزين ابتسامه في اخر البوست بعد الكلام دا ؟؟

    والله منا مزعلكوا

    ..

    فين الابتسامه الحلوة ؟؟ اهي يا جو اهي

    🙂

     
    • me 8:35 pm on September 1, 2013 Permalink | Reply

      حافظ علي الابتسامة يا جو و عيشها متصطنعهاش 🙂

  • admin 4:11 pm on June 1, 2013 Permalink | Reply
    Tags: , عازب, قَسَم العُزاب,   

    مقترح : القَسَم الرسمي للعُزاب 

    السلام عليكم

    نظرا لما يمر به العزاب في الفترة الحالية من فتور وعدم اقتناع بالمبادئ الاساسية للعُزاب

    والسعي ورا شريك الحياة

    لهذا

    قررت ان اكتب هذه البوست وسيكون عبارة عن مقترح للقَسَم (الحلفان يعني) الرسمي للعزاب

    علشان نشد حيلكوا شوية ونقوي بعض

    صاااااامدوون

    ..

    بسم الله

    أقسم بالله العظيم

    ان اكون عازبا صالحا ، لا اسعى وراء اهوائي وشهواتي ، وان أحافظ على اي بنت ماشية في الشارع

    (متروحش تعاكس وكدا .. اعتبرها اختك يا اخي .. زي اعتبره ابوك يا اخي كدا)

    وان أحافظ مخلصا على النظام العزابي وشقه العزوبية

    وان أرعى مصالح اخواني واخواتي العزاب رعاية كاملة ، وﻻ اضرهم عندما اخطب او اتزوج

    وان ﻻ انصحهم بأن الخطوبة حلوة او الجواز جميل

    (يعني مجرش رجيلهم يعني واسيبهم في حالهم)

    وان احافظ على استقلال العزاب ، وسلامة عقولهم من اي مندسين

    لغاية اما ربنا يكرمني ويرزقني ببنت / ابن الحلال اللي يحافظ عليا ويصوني ويصوني بيتي

    ويستحق انه يكمل معايا بقية مغامرة حياتي

    والله على ما اقول شهيد

    ..

    – طبعا كل دا لسه تحت بند مقترح ، واقتراحات الاعضاء مسموح بها طبعا في التعليقات
    اللي عايز يزود او ينقص اوك

    – صيغة المذكر تنطبق على المذكر والمؤنث ، يعني القسم يمشي مع العزاب والعازبات

    مشوفناش عضوة في مجلس الشعب بتقول ان اكون مواطنه صالحه مثلا ، فالصيغة ماشية مع الاتنين يعني

    والله الموفق

    🙂

     
    • Cutepoison 10:23 pm on June 1, 2013 Permalink | Reply

      صــــامدووون 🙂

      • admin 10:05 pm on June 6, 2013 Permalink | Reply

        صااامدوون حتى النهاية
        🙂

    • Sarraa Hassan 10:23 pm on June 1, 2013 Permalink | Reply

      انا موافق يا ريس على الأقتراح دة
      خصوصا البند دة : ” وان أرعى مصالح اخواني واخواتي العزاب رعاية كاملة ، وﻻ اضرهم عندما اخطب او اتزوج

      وان ﻻ انصحهم بأن الخطوبة حلوة او الجواز جميل

      (يعني مجرش رجيلهم يعني واسيبهم في حالهم) ”

      😀 😀

      • admin 10:04 pm on June 6, 2013 Permalink | Reply

        loool
        شكلها هتبقى موافقه بالاجماع
        😀

    • hoda 9:24 pm on November 29, 2013 Permalink | Reply

      7elw 2l klam da w 3la fkra nice page ….

  • admin 1:35 am on April 19, 2013 Permalink | Reply
    Tags: , , , , عازب   

    لما بتحب حد 

    ﻟﻤﺎ ﺑﺘﺤﺐ ﺣﺪ
    .
    ﻭﺗﻌﻤﻞ ﺑﺎﺳﻮﺭﺩ ﺍﻟﻤﻮﺑﺎﻳﻞ ﻭﺍﻟﻔﻴﺲ ﻭﺍﻟﻤﻴﻞ
    ﺑﺈﺳﻤﻪ..أو تاريخ ميلاده
    .
    ﻭﺗﻌﻤﻞ ﺣﺴﺎﺑﻪ ﻓﻲ ﻛﻞ ﺣﺎﺟﺔ ﺑﺘﻌﻤﻠﻬﺎ
    ﻭﻛﻞ ﻛﻠﻤﺔ ﺑﺘﻘﻮﻟﻬﺎ ﺣﺘﻲ ﺍﻟﻨﻈﺮﺓ

    .
    ﻭﺗﻔﻜﺮ ﻟﻴﻞ ﻭﻧﻬﺎﺭ ﺍﺯﺍﻱ ﺗﺴﻌﺪﻩ..ﻭ ﺍﺯﺍﻱ
    ﺗﻌﻤﻠﻪ ﻣﻔﺎﺟآﺕ ﻭﺗﺠﺒﻠﻪ ﻫﺪﺍﻳﺎ
    ♥ .
    .
    ﻭﺗﻔﻜﺲ ﻟﻜﻞ ﺍﻟﻨﺎﺱ ﻋﻠﺸﺎﻧﻪ..ﻭ ﺗﺸﻮﻓﻪ
    ﻫﻮ ﻛﻔﺎﻳﺔ ﻋﻠﻴﻚ ﺍﻭﻱ
    ♥ ..
    .
    ﻭﺗﻔﻜﺮ ﺍﺯﺍﻱ ﻫﻮ ﻳﺤﺒﻚ ﺗﻜﻮﻥ ﻭﺗﻜﻮﻥ..
    ﻭﺗﺤﺘﺮﻡ ﺭﺃﻳﻪ ﺍﻭﻱ ﺣﺘﻲ ﻟﻮ ﻣﺶ ﻣﻘﺘﻨﻊ …
    ﻭﺍﻧﻚ ﺗﺤﺮﻡ ﻧﻔﺴﻚ ﻣﻦ ﺣﺎﺟﺔ ﻋﻠﺸﺎﻧﻪ
    ﺗﺒﻘﻲ ﻣﺘﻌﺔ ﺑﺎﻟﻨﺴﺒﺎﻟﻚ
    ♥ ..
    .
    ﻭﺗﺠﺮﻱ ﺗﺮﺩ ﻋﻠﻴﻪ ﻣﻦ ﺍﻭﻝ ﻣﺎ ﻳﺘﺼﻞ ..ﻭﻟﻮ
    ﻧﺎﻳﻢ ﺑﺘﺼﺤﻲ ﻭ ﻋﻨﻴﻚ ﺗﻔﻨﺠﻞ
    ♥ ..
    .
    ﻭﻣﺘﻘﺪﺭﺵ ﺗﻘﻮﻟﻪ ﻷ ﺃﺑﺪﺍً ﺣﺘﻲ ﻟﻮ ﻋﻠﻲ
    ﺣﺎﺟﺔ ﺑﺘﻀﺎﻳﻘﻚ ﺍﻭﻱ
    ♥ ..
    .
    ﻭﻣﺴﺘﻌﺪ ﺗﻌﻤﻞ ﺍﻛﺘﺮ ﻣﻦ ﻛﺪﻩ 100 ﻣﺮﺓ
    ﻋﻠﺸﺎﻧﻪ ﺑﺲ
    ♥ ..
    .
    ﻋﺎﺭﻑ ﺍﻧﺖ ﺍﻟﺸﺨﺺ ﺩﻩ ؟؟؟
    !~!~!~! …
    .
    .
    .
    .
    .
    .
    ﺍﻟﺸﺨﺺ ﺩﻩ ﺩﺍﻳﻤﺎً ﺑﻴﺴﻴﺒَﻚ ﻓـــ ﺎلآﺧـــر
     
    • Amr Atya 8:14 am on April 20, 2013 Permalink | Reply

      ما هو كدا انت خاين يا معلم وكنت بتحاول تتخلى عن العزاب بس اتقفشت 😀

    • admin 11:44 am on April 20, 2013 Permalink | Reply

      دا كان زماان
      خلاص بطلنا محاولات
      😀

  • admin 8:22 pm on March 20, 2013 Permalink | Reply
    Tags: , , , عازب   

    انت زي اخويا 

    ازيكوا يا عزاب

    🙂

    بوست النهارده جامده تحرير .. قريتها على الفيس بوك على صفحه “يا راجل” وحبيت اشيرها معاكوا

    😀

    ..

    و طبعا ديه بتبقى صدمة حياتك … و بتفضل مبلم حوالي أسبوعين تلاتة … و بتحاول جاهدا إنك تبان كوول .. ولا أي اندهاش

    و المشكلة إن الكلام أصلا بيبقي غير مفهوم و يلخبطك
    ..
    هي : ” بص أنا هاكلمك بصراحة … بس بليز بلييز متزعلش مني … أنا بحبك جدا … ” طبعا أنت بتنشكح قوي لما تقولك بحبك جدا …أتنيل شوف اللي جي “… … بس أنت زي أخويا و أكتر و أنا مش حاسة بحاجة ناو … و أنا مش عايزة اخسرك ..خلينا فرندز … أنا أصلي ماحستش ب..بلا بلا بلا بلا إلى آخره من السموم اللي بتهري في بدنك
    بتفضل أنت فترة طويلة بتحاول تفسر اللي هي قالته … و طبعا بتديها كل الأعذار الممكنة عشان يفضل عندك أمل … مثلا .. ” برضه هي لسة صغيرة و أنا خضتها – بس هي قالت إنها بتحبني أنا بس لازم أديها شوية وقت – أهم حاجة إنها مش عايزة تخسرني – يعني إيه الكلام ده كله أصلاً؟؟؟” و تفضل تسمع عمرو دياب و أه من الفراق اللي يتفقوا الحبايب فيه يبقوا صحاب
    ..

    و هنا تيجي فقرة المرايا …. تفضل تبص لنفسك في المرايا و تفكر … طب هي شايفاني زي أخوها ليه ان شاء الله؟ و تبدأ تطلع ب استنتاجات غريبة زي … أنا لازم أخس شوية … أنا محتاج أبقى روش … لازم أبطل أهزر كتير …لازم أهزر كتير (حسب شخصيتك) … بتفضل تفكر إزاي تعكس نفسك و تبقى واحد تاني عشان تعجبها ..

    و ممكن تتكلم مع واحدة أنت بتعتبرها زي أختك و تسألها أعمل إيه؟ تقوم تقولك بص فكك منها هتلاقي ميت واحدة أحسن منها ” هاجوزك ست ستها – حماوات ستايل ”

    و لو اتكلمت مع واحد صاحبك هيقولك بص أنت فكك منها و هي هاتجيلاك … لازم تبقى حمش … إسترجل ….

    و تحاول أنت تعمل بالنصائح ديه كلها …. لحد ماتجيلك الصدمة الأكبر …

    هي : بص أنا هقولك سر بس متقولش لحد ” لعلمك هي أصلا قايلة لطوب الأرض ” … أنا بكرة قراية فتحتي …

    أو الأنيل إنك تعرف بالصدفة من الفيسبوك … و تبدأ تعيش دور المضحي … و تقولها مبروك و أنا بجد بجد فرحتلك جدا … عيل كداب قوي ..

    و هاتتكرر القصة ديه مرتين تلاتة في حياتك … و عمرك ما هاتفهم تعمل إيه عشان متبقاش “زي أخويا ” … و هاتقرا

    “Men are from Mars, Women are from Venus”
    وتسمع عمرو دياب تاني (و
    Adele

    كمان بس ماتخافش، مش حاقول لحد) وتبص في المراية وتخس وتتخن وتغير أسلوب كلامك ولبسك و و و و … بس برضه ده مش ها يغير أي حاجة

    عشان أنت أصلا مافكش حاجة غلط … أنت زي الفل … بس هو إحنا كدة لازم نتبهدل لحد ما نلاقي بنت الحلال

    أهم حاجة .. بمناسبة الفالنتين.. و بمناسبة بنت الحلال… أوعى تتردد إنك تقولها إنك بتحبها …مش بس كدا .. لو تقدر .. روحلها لحد البيت .. و جيب لها هدية .. و إحنا هنساعدك (بالدعا والتمنيات الحارة بالنجاح، مش بالفلوس عشان احنا كمان لسه ورانا ورد عايزين نشتريه ومصاريف..ده موسم بقى وانت فاهم، كل سنة وانت طيب)بس متنساش

    تسمع الأغنية ديه … لو قالت لك أنت زي أخويا
    ..
     
    • Nouran 3:01 pm on October 2, 2013 Permalink | Reply

      كلام زى الفل 😀

  • admin 10:31 am on March 3, 2013 Permalink | Reply
    Tags: , , , عازب,   

    اسف يا عم فلانتين 

    بوست متأخره حبتين بس معلش انتوا عارفين ان كل الناس تقريبا:

    يا استقالوا من المجلس الاعلى للعزاب ، يا اما طهقانيين من العيش والعيشه واللي عايشينها

    عموما ربنا يصبرنا جميعا

    ..

    المهم .. بمناسبة الفلانتين حبيت اشير معاكم الكملتين دول بقى

    آسف ياعم فلانتاين
    عدى السنادى كمان وسجلنى غياب
    السنجله .. مش مشكله
    مش طالبه عك
    ولا ناقصه شك وغيره
    أو حتى عتاب
    منكرش إن انا نفسى حقيقى
    أخرج مع بنت وأغيّر جو
    وبقولك لو
    انا كنت لقيت حد بيفهم
    انا كنت ساعتها بقيت جنبه
    لكن انا كل مأكون مع حد
    يبعد ويقول قال مش ذنبه
    وانا قلبى ده مش فندق يعنى
    انا أبسط حاجه بتوجعنى
    وأهو عادى مجتش على اليوم ده
    وانا اصلا عايش من مده
    ومسستم نفسى على الوحده
    وحياتها عايشها يا عم تمام
    لا انا بشحن زى الناس على طول
    ولا برغى كتير فـ التليفون
    ولا بقعد أسب لفودافون
    ولا ضايع وقتى فـ اى كلام
    ولا قاعد مجروح مـ الصدمه بسمع
    مش زى الافلام
    انا زى الفل وإشطه وبيس
    مش بفتح شات بالليل عـ الفيس
    ولا بسهر أكتب اغنيه
    ” لا بأس ببعض الحنيه ”
    وبعشم نفسى أعيش مع حد
    والاقيه بيسسبنى بدون أسباب

     
  • admin 8:22 am on December 15, 2012 Permalink | Reply
    Tags: , , عازب   

    ماذا بعد التنحي ؟ 

    طبعا انا مش هقول انا هعمل فيكوا ايه ؟

    انا هسيب اﻻيام هيا اللي هتوريكوا

    😛 😀

    بس احب اقول لاخويا اسلام محمود

    A90XF66CUAACyZ-

    مكنش يومك يا خويا .. ليه عملت في نفسك كدا ياخويا

    😀

    هتوحشنا والله يا صاحبي

    كان معكم اسلام ضياء

    من حركة : عزاب .. صامدون حتى النهايه

     

     
  • admin 1:01 am on December 13, 2012 Permalink | Reply
    Tags: , , , , عازب   

    12-12-2012 التطور الطبيعي ! 

    صباح الخير او مساء الخير على حسب الوقت اللي بتقرا فيه الكلام دا

    🙂

    البوست دي كتبتها امبارح 12-12-2012 بس ملحقتش انشرها نظرا لانشغالي

    ….

    بما ان النهارده 12-12-2012 .. ويوم مميز ومش بيتكرر اﻻ كل 100 سنه ، والله اعلم اذا كنت هعيش ال 100 سنه الجايين وﻻ ﻻ

    😀

    المهم فانا قررت اني اكتب بوست على السريع كدا فيه كلمتين كدا جوايا

    كنت ناوي ايام ما كنت مرتبط اني اكتب كتابي النهارده
    !!‬

    بس بعد ما فشلت في الموضوع دا قررت اني ادور على النص التاني وارتبط بيها النهارده‬ برضه

    ‫وبعد ما سافرت قررت اني احاول اعيش :D

    اللي انا عايز اقوله لكل عازب بقى زي حلاتي كدا او انيل او اقل

    – اجمد يا برنس او يا برنسيسه ، انت مش لوحدك وفي كتير زيك

    🙂

    – العزوبيه دي حلوة اووي ونعمه كبيره وتفائل وان شاء الله خير

    – خلي بالك من نفسك واهتم بنفسك ودايما اشتغل على نفسك واهتم انك تبني نفسك وتحسن من شخصيتك
    لان انت لما هتبني نفسك كويس هتغير نفسك ، وبعدين اهلك واصحابك وبلدك والعالم

    🙂
    علشان كدا بقولك خلي بالك من نفسك

    – تفاءل وان شاء الله نصيبك جاي جاي
    مش معنى انه اتأخر شويه يبقى مش جاي او ربنا ناسيك .. ﻻ ربنا مبينساش حد بس لكل اجل كتاب

    🙂

    لو انت بقى مرتبط او بتحب او خاطب او متجوز ، ف اوعى تسمع مننا كلمه

    – احنا عالم فاضيه عندنا فراغ عاطفي ومش ﻻقيين نصنا التاني !

    – في مننا اللي مبيدورش وفي اللي دور وملاقاش

    – وفي اللي دور ولقى وهيكتب استقالته من المجلس اﻻعلى للعزاب

    🙂

    اسمع كلامي .. حافظ على حبك بقدر الامكان واوعى تفرط فيه ابدااا مهما حصل
    فاهم ؟؟ مهما حصل

    ياﻻ اسيبكوا بقى وخلوا بالكوا من نفسيكوا

    سلام

     
  • admin 10:25 pm on July 29, 2012 Permalink | Reply
    Tags: , , , , , , عازب,   

    واحد بيفكر بره الصندوق 

    بوست عجبتني على الفيس بوك .. قولت اشيرها معاكوا ونشوف رأيكوا
    !!

    علمونا وإحنا صغيرين – ولاد وبنات – في البيت والمدرسة والجامع والتلفزيون، إن أول حاجة تعملها بعد التخرج هي إنك تشتغل علشان تجيب فلوس، وبالفلوس دي تحاول تجيب شقة، وتجيب تكاليف الجواز (مهر وشبكة ومصاريف خطوبة وفرح، والعفش اللي لازم يكون فيه حاجة اسمها “نيش” بنحط فيها الحاجات اللي هتشتريها بس عمرك ما هتستخدمها … وسفرة مش علشان ناكل عليها لكن علشان ياكل عليها الضيوف … وأوضة أطفال لسة متولدوش أساساً وهيحتاجوا 5 سنين لحد ما يبدأوا يستخدموها )

    ..

    وطبعاً أول ما الشاب يتخرج يفكر في الحاجات دي على طول … يروح يشتغل شغلانة مبيحبهاش … علشان يجيب فلوس يشتري بيها علية كبريت بيسموها شقة يتجوز فيها وخلاص … طبعا في المتوسط الشاب بيكون وصل 28 سنة لحد ما يكون قدر يجمع كل ده … وبيكون وصل لقمة الإرهاق اللي بيخليه عاوز يرتاح … وبيعتقد كدة إنه عمل إنجاز كبير … قدر يحوش فلوس كتير يتجوز بيها … إنجاز بقى … وبالتالي بيفكر – في الغالب – في مراته على إنها الست اللي هتريحه من التعب اللي هو كان فيه … يعني لما يرجع بالليل يلاقي الأكل جاهز … ولما يصحى الصبح يلاقي الهدوم مكوية … لإن زمان كان هو اللي بيعمل ده كله ومحدش بيسأل فيه

    ..

    الشاب اللي عنده 28 سنة ده … بيكون هو ” الوغد ” اللي بيخطف البنت اللي عندها 22 سنة اللي كان بيحبها واحد زميلها في الكلية … فزميلها بقى يكتئب … وهي تقول له: غصباً عني يا عمرو … بس بابا مصمم والعريس جاهز
    وطبعاً عمرو بيكون لسة عنده 22 سنة ومش عارف نظام جيشه إيه ولا نظام الشغل اللي هيشتغله …
    وبعد 6 سنين … عمرو هيكون عنده 28 سنة وهيكون قدر يجهز نفسه … ويكون دفع مقدم الشقة وجاب مصاريف الجواز والعفش اللي فيه ” النيش ” اللي هيحط فيه الحاجات اللي مش هيستخدمها طول عمره
    ويدور عمرو على عروسة ويلاقي بنت عندها 22 سنة كانت بتحب واحد زميلها … وهتقول له: غصباً عني يا شادي … بس بابا مصمم والعريس جاهز …

    وبعد 6 سنين شادي يبقى عنده 28 سنة

    فيه فرق بين العبودية والحرية … العبودية إنك تبقى داير في نظام مجتمعي مش فاهم معناه وعارف إنه غلط … بس داير برضه فيه …

    عارفين صلاح جاهين لما قال:
    يا طور يا مربوط أرفض تلف … أكسر تروس ساقيتك واشتم وتف … قال بس خطوة كمان وخطوة كمان … يا أوصل نهاية الطريق يا البير تجف

    بالضبط كدة إحنا … دايرين في ساقية مالها معنى ومحاوطين نفسنا بعادات وتقاليد غريبة …

    يعني إيه شبكة؟!! يروح الشاب من دول لأهل العروسة … يقولوا له: إحنا بنشتري راجل … وبنتنا بتاخد دهب بخمستاشر ألف جنيه … بس إحنا بنشتري راجل برضة!

    السؤال بس … إيه لازمة الشبكة؟!! … سلو بلدنا كدة … بس الشبكة دي هتضطر تأخر الجواز شهور لحد ما العريس يقدر يجمع تمنها … مش مهم بس سلو بلدنا كدة … طيب إيه لازمة النيش؟! … سلو بلدنا كدة … نجيبه ليه يعني؟!! … سلو بلدنا كدة … إيه لازمة السفرة الطويلة دي … سلو بلدنا كدة … بس إحنا بناكل على الأرض قدام التلفزيون …. ما إحنا عارفين … بس سلو بلدنا كدة

    أنا باكتب الكلام ده على فكرة لإن واحد صاحبي خطيبته قالت له لازم نشتري نيش … بكام؟! … بتلات آلاف جنيه … طلع من جيبه ودفعهم … بعدين سألها: هو النيش ده بتاع إيه؟!! … قالت له: علشان نحط فيه الصيني … قال لها: الصيني بيتحط في المطبخ؟!! … قالت له: أيوة … بس ده بيتحط فيه الصيني اللي مش هنستخدمه … الواد يا عيني مفهمش حاجة … بس بعد ما فهم حلف بالله العظيم إنه هيحط فيه هدوم … يهديك يرضيك … أبداً … هنحط فيه هدوم ….
    البنت قالت عليه معقد وفسخت الخطوبة 🙂

    بعد التخرج مش لازم تشتغل على طول شغلانة مبتحبهاش علشان تجيب شقة في منطقة مبتحبهاش وتدور على عروسة والسلام … بعد التخرج فيه حاجات تانية كتير بتتعمل … فيه إنك بتشتغل شغلانة بتحبها … ولو ملقتهاش … بتشتغل أي شغلانة مبتحبهاش لحد ما تلاقي شغلانة بتحبها … وبدل مصاريف الجواز والشقة دور على دورات وكورسات تطور من مستواك وتخليك مؤهل للشغلانة اللي بتحبها … وبعد ما تشتغلها … فكر وقتها في الجواز

    أنا اشتغلت صيدلي لسنتين ونصف … كان المرتب بيتصرف على الكتب والدورات … وسيبت شغل بفلوس كويسة علشان عاوز ألاقي وقت أدرس فيه إعلام … عشت فترة ب 300 جنية في الشهر وأقل كمان علشان ألاقي وقت أعمل الشغل اللي بحبه … وبعد سنتين ونص اختبار من ربنا … اتفتح الطريق قدامي فجأة

    وبخصوص الجواز … السفر والانفتاح على الثقافات المختلفة خلوني أشوف إننا محاوطين نفسنا بضمانات كتير أوي … وخلوني مقتنع إن الصح كل الصح إنك تبدأ بما تحتاج فقط … شقة إيجار أوضة وصالة ومهر بسيط وعفش بسيط هتستخدمه مش هتتفرج عليه … ولو ربنا أكرم بأطفال فوقتها ممكن تاخد شقة تاني أكبر شوية … ممكن بالشكل ده تتجوز وإنت عندك 22 سنة … ممكن عمرو يتجوز زميلته وممكن هي ترفض الشاب اللي عنده 28 سنة … ممكن الناس اللي بتحب بعضها تتجوز بعضها … ويبدأوا حياتهم من بدري بدل ما يتأخروا كتير

    لكن تبقى المشكلة في الأهل … الأهل اللي فاكرين إنهم كدة بيحموا بنتهم … في حين إنهم بيعذبوها فعلاً …. وظني في بناتنا خير … إن البنت لو مؤمنة فعلاً بالكلام ده فهتقدر تقنع أهلها … وهي دي البنت اللي قال عليها النبي: فاظفر بذات الدين تربت يداك … لإني لا أعتقد أن المنظرة من الدين

    للعلم، اللي كاتب الكلام ده ميسور ماديا والحمد لله … لكني أتكلم عن واقع مجتمعي كئيب … ورغم إني لا أفكر نهائياً في الزواج … لكني بعد وقت لا أعلمه … لو فكرت في الزواج … هافكر بالشكل ده … ومتأكد وقتها إن ربنا هيبعت لي إنسانة مؤمنة بالكلام ده

    ممكن تعيش عمرك كله بتدفع آقساط شقة تمليك في منطقة زحمة جداً وتفضل طول عمرك عايش في نفس المكان ومستحمل … وممكن تعيش في مكان ممتاز في شقة إيجار وكل كام سنة تغير المكان وتروح مكان مختلف وجيران جدد وحياة جديدة ويبقى عندك وفلوس تسافر برة وتتفرج على الدنيا وتاخد دورات تدريبية وتلاقي وقت تمارس هواياتك وكل ده في عز شبابك … وتاخد ثواب كمان لإنك مؤمن إن ربنا مبيقطعش الرزق عن عباده …
    وأنه من بات آمنا في سربه معافى في بدنه عنده قوت يومه فقد حيزت له الدنيا

    ممكن أكون غلط … بس أنا دماغي عاجباني كدة 🙂

    Emad-eldin Elsayed

     
c
Compose new post
j
Next post/Next comment
k
Previous post/Previous comment
r
Reply
e
Edit
o
Show/Hide comments
t
Go to top
l
Go to login
h
Show/Hide help
shift + esc
Cancel