Tagged: عازب Toggle Comment Threads | Keyboard Shortcuts

  • admin 4:11 pm on April 25, 2012 Permalink | Reply
    Tags: , , عازب   

    في عيدها قررت اخطبها 

    ازيكم يا عزاب
    🙂

    اقر انا اسلام ضياء .. اني غيرت الحاة اﻻجتماعية بتاعتي من عازب .. الى خاطب

    هذا والله الموفق وربنا يستر ومنفسخش الخطوبة قريب
    😆

    قصة حب

    كنت بحبها من زمااااااان ، وكنت مخبي على كل الناس ومكنتش عايز اقول لحد
    علشان خايف على مشاعرها وخايف حد يحسد حبنا

    هيا اشتريتلي امبارح دبلة الخطوبة وانا للاسف مكنش معايا حاجة اعوضها بيها غير اني اعترف بحبنا
    قدام الناس كلها

    والنهاردة قدام كل الناس اعلن ان رغم كل البهدلة اللي شوفتها ولسه بشوفها ، وبرغم كل الاهانات ورغم كل حاجة

    فانا بعترف النهاردة قدام الناس كلها اني بحبها
    🙂

    ..

    كل سنة وانتي طيبة يا حبيبتي ، وان شاء الله انا وراكي لحد ما اشوفك احلى بلد في الدنيا
    🙂

    كلمة لحبيبتي : ارجوكي متحاوليش تبهدلي فيا كتير .. علشان انتي عارفه ان خلقي ضيق وبزعل بسرعة
    😀

     
  • admin 6:04 am on February 14, 2012 Permalink | Reply
    Tags: , , , عازب   

    Happy f***** Valentine Day ! 

    عزيزي العازب/ ة

    صباح الخير او مساء الخير على حسب الوقت اللي انت بتقرا فيه البوست دي

    كل الناس -البني ادمين يعني- عندهم حاجة

     زي البطيخة كدا طالعالهم فوق كتافهم ، حاجة كدا زي البطاطساية

    اﻻسم العلمي ليها : الدماااااغ

    والدماغ دي في منها انواع  كتير .. لكن الدماغ اللي هتكلم عنها النهاردة هيا الدماغ النضيفة
    😀

    وسبحان الله الدماغ النضيفة نادر اما بتلاقيها مع انها المفروض انها نضيفة وكلنا بنتولد دماغنا نضيفة

    بس للاسف اﻻنسان بغباوته هو اللي بيحب يخليها مش نضيفه .. او يمكن بيزعل انه مش بيكون زي بقيت الكائنات اللي بتمشي على رجليها بس عندها بطاطساية
    😉

    مع ان في ناس دماغها نضيفة برضه

    المهم خلال قرائتي لقلش العزاب النهاردة على موضوع الزالنتين دا ، واللي ممكن تتابعوه من خلال الهاش تاج الرسمي للعزاب على تويتر

    #3ozzab

    المهم في كام تويتاية عجبوني كدا لناس دماغها نضيفه ، وحبيت انقلهالكم هنا بما ان دماغنا نضيفة زي بعضينا يعني
    😆

    @5aledsultan : ال ( Single ) هو شخص عجز العالم عن فهم قلبه ففضل أن يكمل حياته مع نفسه . . . ‎#valentine‏ ‎#3ozzab‏

    ‎#3ozzab‏ RT ‎@Elbernameg ‏: لو معكش فلوس لهدية الفالنتين زيى _ =__أعمل نفسك سنجل Sorry V̶a̶l̶e̶n̶t̶i̶n̶e̶ D̶a̶y̶ .. ! I’m single

    @esl4mdiaa : يعني ايه فالنتين يا كبير ؟ – ‎http://www.youtube.com/watch?v=o3uL91vEJtE‏ — looool ‎#3ozzab‏ ‎#valentine‏

    ‎#3ozzab‏ LIKE ‎:D‏ RT ‎@Elbernameg‏: لو انت سنجل اخبط لايكلو مرتبط ضرب كومنت عررفنا فيه ايه اللى رماك ع المر ‎:)‏)

    RT ‎@Elbernameg‏: انـا هنـزل بكرة اشتريلى هدية و انـزل مع نفسـى افسحنـى ‎:D‏…عشان انــا بـــحـبـنـى<3 .. مين معايا ‎:)‏. ‎http://fb.me/1o0uOXrz9‏

    ‎#3ozzab‏ RT ‎@larrynabil ‏: أرفع راسك فوووووووووق أنت سينجل ‎:D‏ ‎#SingleParty‏

    واﻻن …. مع القلشة اللي اخدت المركز اﻻول معانا النهاردة

    ‎#fb ‏ اجمد قلشة ‎:D‏ RT ‎@AAltameem‏: الفرق بين عيد الاضحى وعيد الحب/هو انه في الاول تدفع الاموال للخروف بينما في الثاني يدفع الخروف ‎#valentine

    نصيحة للناس اللي بتحب بجد:  الحب مش يوم واحد ، وعيد الحب بيبقى في كل لحظة تحس فيها “بالنعمة اللي اسمها الحب” تجاه الشخص اللي انت بتحبه

    🙂

     
  • admin 4:15 pm on January 12, 2012 Permalink | Reply
    Tags: , facebook, , جب, عازب, يوميات   

    رأس السنة الهجرية اللي فاتت 

    رأس السنة الهجرية اللي فاتت.. كل سنة وإنتوا طيبيين الناس .. اليوم في الشغل كان ظريف مكنش في مشاكل كتير يعني بس كل شيء إبتدى في آخر يوم العمل ..
    الساعة ٨ مساءآ بعد يوم شغل طويل بستعد فيه لإني أروح  فتحت الـFacebook قلت أبص على الدنيا وأبص على إصحابي…
    وفعلا فتحت وكام كومنت على كام لايك وفجأة إزبهليت ..  أيوه هي .. شفتها معاه في فستان فرح والسعادة بتبظ من عنيها وعنيه ..
     
  • 3azeb 7ayran 9:33 pm on October 1, 2011 Permalink | Reply
    Tags: , عازب   

    أيون ..حيران 

    ممكن أكون مختلف شوية ..عن بقية أقرانى من العُزاب … فى وجهه نظرى عن العزوبيه .. وشايف انها مرحلة أنتقالية ممتعة فى بعض لحظاتها ولكنها محيره فى معظم فتراتها
    مع الاعتراف ان الزواج مش هو النهاية السعيدة دايما ولكنه شر لابد منه
    🙂

    ومن هنا جه أسم اليوسر بتاعى  .. عازب حيران  .. ليه بقى حيران ؟؟

    حيران لانى مش عارف أحدد هل فعلا سعادتى فى الزواج؟؟ .. ولا هتكون مراتى .. هى سبب حزنى وهمى وتكون هى القشة اللى هتقسم ظهرى ؟؟
    سامع واحد بيقولى .. يا عم بس أستنى الله يكرمك ..يعنى أنت خلصت كل حاجة للجواز ..وناقصك العروسة ؟؟؟  … أرد وأقولك  .. ماهو ده سبب أكبر االلى يخلينى أحتار أكبر .إزاى بقى ؟؟
    يعنى أنا يطلع عينى لغاية مجيب شقة وبعدين أجهزها علشان فى الاخر ..أجيب واحدة تنكد عليا عيشتى ؟؟ طب ده كلام ناس عاقلين ؟؟
    فعلشان كدا قررت أنى أتفرج على حياه المرتبطين من بعيد وأراقبها ..واشوف أيه الحلو اللى فيها وأعمله وايه اللى وحش واحاول أتجنبه
    وده هيبقى موضوع الحلقات اللى جايه .. حلقة ممكن تبقى كوميدية وممكن تبقى درامية ..هاجى ..واحكيهالكم ..واشوف رأيكم فيها ؟؟

    هطير انا بقى . أروح أجيب أول حكاية !! !.. يالا بينا

     
    • esl4m 3:09 am on October 2, 2011 Permalink | Reply

      يا سيدي يا حيران انت
      🙂
      قسم وسمعنا

  • admin 2:41 am on September 14, 2011 Permalink | Reply
    Tags: شارك معانا, عازب   

    مين عايز يشارك مع عزاب ؟ 

    الاخوة والاخوات العزاب

    حد فيكم يحب يشارك معانا ؟

    حد فيكم يحب يكتب على عزاب ؟؟

    حد عنده خواطر عايز يكتبها هنا وبإسمه ؟؟؟

    حد عايز يبقى عضو مساهم في عزاب .. يكتب المشاكل اللي قابلته او اللي بتقابله حاليا

    ويطرح الحلول اللي لاقاها
    ؟؟

    او يكتب مشاكله ومن خلال الردود هنلاقي حلول ليها ان شاء الله
    🙂

    الاعلان دا لكل الناس

    لكل عازب وعازبة .. ولكل متزوج او متزوجة لكل اللي مرتبطين اواللي كان بينهم علاقة وفشلت

    ممكن يدخل هنا ويكتب باسمه او اسم مستعار مش هتفرق كتير

    المهم انه \ انها  يحكيلنا المشاكل علشان العزاب يتعلموا منها

    ويا سلام لو كلنا ندور على حلول للمشاكل دي .. لو هو واقع في مشكلة وطالب ان الناس تحلها

    🙂

    هنستنى من اي حد \ حدة عايز يشارك معانا

    انه يبعتلنا على

    3ozzab[at]gmail[dot]com

    ويبعتلنا

    اسمه او اﻻسم اللي انت\ انتي مشهور\ة بيه ، واﻻميل اللي هتحب تشارك بيه معانا

    ولو عايز\ة تكتب اسمك الحقيقي ابعتهولنا

    ولو عندك موقع خاص بيك هيتحط في البروفايل بتاعك عندنا

    🙂

     

     

     
  • admin 3:14 am on September 6, 2011 Permalink | Reply
    Tags: , sep9, , عازب   

    خواطر عازب 

    على انغام – رجعنا في كلامنا ليه ؟ – انغام

    اكتب لكم هذه البوست
    🙂

    وهذه البوست عبارة عن خواطر تجول في نفس شخص عازب زي اي عازب

    بس مش زي اي عازب

    عازب ليه اهداف .. عنده شوية طموحات كبيرة او صغيرة مش فارقة كتير

    بس نفسه يبقى حاجة ، نفسه يسيب علامة .. بيحاول يفيد اكتر ما يستفيد ، بيدّي ومش مستني شكرا

    نفسه ميبقاش جه الدنيا ومشي زي غيره معملش حاجة فاد بيها الناس وبلده

    ..

    بس هيعمل دا ازاي وهو كل اما ينزل رمسيس او يمشي في شوارع بلده يجيله اكتئاب
    !!

    يرجع بيته ويقول انا ايه اللي خلاني امشي في البلد دي ؟؟

    انا استحق حياة كريمة .. ليه بيحصلي كدا ؟؟

    يرجع ويقول : ان شاء الله البلد ينصلح حالها وتبقى كويسة

    بس اما بينزل تاني بيلاقي الحال بقى من سئ لــ اسوأ

    الناس زي ما تقول بقت متعودة على الهمجية والفوضى وبيتعايشوا معاها

    حتى الزحمة .. بقت شئ طبيعي
    !!

    يرجع البيت ويقول انا عايز اسافر واهج من البلد دي

    بس يرجع في كلامه

    ويقول : انا هسافر واصحابي واهلي وناسي كلهم هنا .. طب انا مبطلبش حاجات كبيرة يعني !! انا مش بمثل عبء على البلد

    انا مش عايز اتجوز دلوقتي .. في حين ان دا من المطالب المشروعة لكل مواطن\ة  عازب\ة

    انا مش عايز اشتغل مدير وﻻ رئيس بنك

    انا عايز ابقى راجل محترم .. امشي في الشارع محترم محدش يضايقني ولا يرمي عليا زبالة

    عايز ابقى انسان .. بني ادم وانا بركب المواصلات العامة .. مش لازم ابقى سوبرمان وانا في اﻻتوبيس

    ولا سبيدرمان وانا ماشي في الشوارع ، علشان اتجنب الزبالة اللي على اﻻرض او اللي بتتحدف من فوق

    عايز اعيش في بيئة نضيفة !! مش لازم اعمل جروب على الفيس بوك علشان ادعوا الناس انها ترمي زبالتها قدام مجلس المدينة او رئاسة الحي

    علشان نجبرهم يشيلوا الزبالة اللي مرمية على اﻻرض في شارع المفروض انه كبير وعمومي
    !!

    عايز حد يدينا حلول

    عايز حد يقولي متنزلش رمسيس !! .. طب وليه المركزية بتاعت القاهرة دي اصلا ؟؟

    عايز حد يقولي مترميش زبالة في الشارع !! طيب اسيبها في البيت لغاية اما تعفن والجيران يفكروا ان عندنا ميت ؟؟

    طب بالنسبة للستات اللي بترمي ميه او اكياس زبالة من البلكونات والشبابيك !! هنطلع نبوس ايد كل واحدة بترمي حاجة ؟؟

    ..

    طب والعمل ؟؟ .. هنفضل مقضينها كدا ؟

    لا

    ﻻزم نتغير .. ﻻزم كل واحد فينا يقتل مبارك اللي جواه

    اه بالمناسبة : حد نازل يوم الجمعة الجاية

    9 – 9 – 2011

    ؟

     
  • admin 9:31 pm on August 10, 2011 Permalink | Reply
    Tags: افطار, , , عازب,   

    عازب علي مائدة افطار عائلية في رمضان 

    رمضان كريم

    السلام عليكم و رحمة الله 🙂

    اتمني يكون كل العزاب بخير في رمضان و مستمتعين, طبعا احنا في ثاني اسبوع في الشهر الكريم و الكل شارك في العزومات العائلية اللي بيتجمع فيها كل افراد العيلة و الاسر الصغيرة في العيلة, بيكون يوم جميل ولو انت كمان العازب الوحيد في اليوم دة بيبقي اليوم اجمل و اجمل.

    علي الفطار و المدفع ضرب و تربيزة الاكل مزحومة بالناس ولا ميكروباس تخيل معايا 6 اسر علي تربيزة واحدة, و تلاقي بقي الازواج الجدد اعدين ياكلوا بعض و كل زوجة بتطلع لجوزها في الطبق بتاعة و هوا بياكلها و انت كعازب اعد محدش واخد بالو منك اصلا غير ربنا يكرمها الست الوالدة, بتبقي ميزة تعد تاكل انت ولا القطر ولا فارق معاك حد تاني محدش مركز اصلا.

    وبعد ما شوية وقت يعدوا علي الاكل يبداء الكلام بقي و الهزار و كل اتنين متجوزين يغلسوا علي اتنين تنين لحد ما يجي عليك الدور يا باشا -اوبا- و تتهبد السؤال المعهود “اية بقي وانت مش ناوي تفرحنا بيك ولا اية ؟” و انت في عقلك ترد تقول “لية السيرة الغم دي ما كنا بناكل و حلوين” و ترد بصوت بقي “ربنا يسهل ان شاء الله بس الواحد يشد حيلة في الشغل شويا”, هنا بقي يفوقوا لك وتلاقي كل الترابيزة مركزة معاك و اللي يسئلك علي الشغل و المرتب و انت مرتبط ولا, طبعا كلنا فهمين ان هم مش بيحبو يتطمنوا علينا لله كدة لا كل واحد و وحدة بيرسموا عليك لوحدة قريبتهم و تشوفك مناسب ولا لا.

    و في اي حال العازب بيبقي اعد عايز يولع فيهم كلهم و عشان كدة كنت بقولك كل بسرعة في الاول عشان لما يجي الوقت و تتزنق تعرف تقول و تقول شبعت الحمد لله واهو برضو عشان متبقاش اخر واحد قايم لا قايم بشياكة في الاول, طب هوا الواحد مننا بيبقي عايز يولع فيهم ليه؟؟  حاجة من ثلاثة

    1. يا اصلا هوا عايز يتجوز و مش مقتنع ب اسلوب الناس دي ومش علي استعداد انه يتجوز من علي ترابيزة الاكل اكنه بيشتري طبق كشري
    2. او برضو عايز يتجوز لكن امكانياتة مش متوفرة فـ السيرة دي بتعصبة و خلاص لانة مش لاقي حل
    3. او يكون مش عايز يتجوز اصلا الفترة دي و الموضوع من اوله لاخره وجع دماغ و وش علي الفاضي دالوقتي

    طبعا في حالة واحدة العازب هيبقي مبسوط فيها بالحوار دة لو العازب اصلا خان مبادئ العزوبية و بيخطط للارتباط بواحدة من الاسرة الكريمة هيبقي سعيد بالحوار دة جدا عشان يقرب من هدفة [الخاين]

    وبعد الفطار لو انت حظك سيئ هيستمر الحديث في الموضوع دة شويا لحد ما ينشغلوا في اي موضوع تاني او مسلسل من مسلسلات رمضان اللي انت بتحمد ربنا عليها وعايز تشكر كل المؤلفين اللي عرفوا يبعدوا الصداع عنك

    و استمتع بقي بطبق الخشاف او العصير اخيرا 🙂

    الصورة من flickr

     
    • GaMaL 1:59 am on September 1, 2011 Permalink | Reply

      قوي البوست ده ..
      موضوع مش هتفرحنا ده بيحصل معايا كتير أوي أوي ..

      • محمود 2:04 am on September 1, 2011 Permalink | Reply

        اصبح الزواج كالحج لمن استطاع اليه سبيلا :))

  • admin 2:49 pm on April 13, 2011 Permalink | Reply
    Tags: , عازب   

    يعني اية عازب اصلا؟ – التعريف الثاني 

    في موضوع بنفس العنوان لكن لان هناك الكثير من العزاب هناك الكثير من التعريفات لمعني عازب

    تعريف اليوم لمعني ان يكون الفرد عازب [عـايز اكون زوج بـجد]. التعريف السابق وصف عازب [عايز اكون زوج بسرعة] لكن اليوم هناك فارق نقطة السرعة هنا لن نقول غير مهمة لكن تقل اهمية عن الجدية في الزواج بمعني ان اريد ان اكون زوج و ادرس معني الزواج و احسب متطلباتة و يكون الحب شرط اساسي, العملية ليست عقلية بحتة انما هي موازنة بين العاطفة و العفل اما عن التعريف السابق فكانت تغلب فيه العاطفة و الغريزة علي العقل.

    نقطة الجدية نشأت بعد فترة من الحياة علي كوكب الارض بسبب اختلاف الظروف بين الارض و كوكبنا كوكب المريخ لان الحياة الرجل علي كوكب المريخ مختلفة اذا لابد من الجدية في محاولة التاقلم علي نمط الحياة الجديد.

    الجدية التي اقصدا تحكم علي باقصي العقوبات لاني اكون المحقق في موقفي و القاضي و المتهم و من ينفز العقوبة, الجدية تجعلي لا اقدم علي خطوة بدون حساب مدي تائيرها علي شريكه حياتي بعدما كنت وحيدا وقراراتي لا تؤثر علي احد سواي اما الان اضع نفسي في المرتبة الاخيرة من بعد شريكة حياتي ليس لسبب العاطفة الجياشة فقط بل بقرار عقلي واعي و اساسة الحب.

    وبكل فخر انا عازب  [عـايز اكون زوج بـجد] :).

     
    • GaMaL 2:37 pm on April 16, 2011 Permalink | Reply

      ياسيدي ربنا ينولك اللي في بالك ويرزقك بنت الحلال 🙂

  • admin 2:40 am on March 27, 2011 Permalink | Reply
    Tags: , عازب   

    يعني اية عازب اصلا؟ 

    انا عازب والموقع دة اسمه عزاب -صوت العزاب- انتوا عرفين الاول يعني اية عازب؟

    عازب يعني ع-عايز ا-اكون ز-زوج ب-بسرعة ، ايون نفسي فعلا وبعدين انتوا فكرين ان انا بس اللي كدة لا دة احنا كتير اوي 😀

    طب عايز اكون زوج دي رغبة طبيعية عند كل انسان ، ليه بسرعة بقي ؟؟

    عشان حرام اللي احنا فية دة واللي مش واخد باله من الموقف يشوف الانفجار اللي حصل عند الشباب ساعة ما بداءنا هاش تاج #3ozzab علي تويتر

    من وقت ما كنا علي كوكب المريخ مرتاحين كل عازب لوحدة في كهفه الخاص وبعد ما اكتشفنا نساء الزهرة مصادفة ، بعد تلك اللمحة السريعة ايقظ اهل الزهرة مشاعر لم نكن نعطيها اي انتباه و بدائت المأساة.

    الماساة بقي حدثت ساعة ما تم فتح بوابة المشاعر داخل كل رجل وبداء تدفق نهر من المشاعر وللسبب دة نريد الحصول علي لقب زوج سريعا ، بدل ما يتحول النهر لسيل يجرف ارض المشاعر الخصبة بداخله و يتركه في حالة من الفراغ العاطفي.

    يتبع…

     
    • GaMaL 9:53 am on March 27, 2011 Permalink | Reply

      عـ (ــايز) أ(قولك) إنها بداية موفقة إن شاء الله …
      في إنتظار بقية السلسلة 🙂

      سلام 🙂

    • ahmad aabed 10:03 am on March 27, 2011 Permalink | Reply

      انا معترض احنا مشاكلنا اللى اتقالت ما كنتش عاطفيه خااااااالص كلها كانت تتعلق بقذاره الشقه والاكل بره ووجع البطن
      وما الى ذلك بس ده ما يمنعش اننا عايزين نتجوز بس مش اوووى كده يعنى ما تمتش البنات فينا

c
Compose new post
j
Next post/Next comment
k
Previous post/Previous comment
r
Reply
e
Edit
o
Show/Hide comments
t
Go to top
l
Go to login
h
Show/Hide help
shift + esc
Cancel