صوت العُزاب

Tagged: خطوبة Toggle Comment Threads | Keyboard Shortcuts

• 

  admin 3:43 pm on September 1, 2013 Permalink | Reply
  Tags: single ( 8 ), البس علشان خارجين ( 3 ), حب ( 11 ), خطوبة, زواج ( 9 ), سعيد وسعيدة, عازب ( 20 )   

  هو مين اللي خان ؟ 

  هو مين فينا اللي خان ؟

  بيقولوا دايما البنات هي اللي بتخون .. اول ما بتلاقي الشاب الجاهز بتوافق علطول

  وبيقولوا برضه: ان الشاب هو اللي بيخون وهو اللي بياع ، وكل يوم قلبه مع واحده ، وزي القرع يمد ل بره

  ..

  الحقيقة ان مفيش حد بيخون حد

  اه .. اه .. فكر فيها كدا

  هي في نظرك لقت الشاب الجاهز او الحب القديم وخانتك

  بس في نظرها انها عايزه تلحق سنها وشبابها والعيلة وكلام العيلة بيبتدي عليها اول ما توصل 21 سنه

  ..

  وهو في نظرك انه زي القرع وديل الكلب والكلام دا كله

  بس من وجهة نظره انه عايز البنت الكاملة .. او اهله ضغطوا عليه علشان الجوازة دي في مصلحة العيلة والكلام دا

  ..

  طيب بالمختصر المفيد

  لا هي خانتك ولا هو خانك .. كل الحكاية مصالح
  🙂

  كون انك بقى مش فاهم ان الحياة مصالح .. يبقى العيب فيك انت

  طبعا دي مش نظرة تشاؤمية .. ابسلوتلي .. دي الحكيكة

  ودا رأيي وانا حر فيه

  !!

  في النهاية احب اهنئ سعيد وسعيده على الفرح السعيد في حضور المعازيم السعداء .. في هذا الكوكب السعيد بساكنيه

  …….

  …

  .

  عايزين ابتسامه في اخر البوست بعد الكلام دا ؟؟

  والله منا مزعلكوا

  ..

  فين الابتسامه الحلوة ؟؟ اهي يا جو اهي

  🙂

  Tweet

  Share this:

  • Facebook
  • Twitter

  me is discussing. Toggle Comments

   
  • 

    me 8:35 pm on September 1, 2013 Permalink | Reply

    حافظ علي الابتسامة يا جو و عيشها متصطنعهاش 🙂

  Reply Cancel reply

  Required fields are marked *

  Name *

  Email *

  Website

  Save my name, email, and website in this browser for the next time I comment.

  Notify me of follow-up comments by email.

  Notify me of new posts by email.

  Δ

• 

  admin 1:01 am on December 13, 2012 Permalink | Reply
  Tags: حب ( 11 ), خطوبة, خواطر ( 5 ), زواج ( 9 ), عازب ( 20 )   

  12-12-2012 التطور الطبيعي ! 

  صباح الخير او مساء الخير على حسب الوقت اللي بتقرا فيه الكلام دا

  🙂

  البوست دي كتبتها امبارح 12-12-2012 بس ملحقتش انشرها نظرا لانشغالي

  ….

  بما ان النهارده 12-12-2012 .. ويوم مميز ومش بيتكرر اﻻ كل 100 سنه ، والله اعلم اذا كنت هعيش ال 100 سنه الجايين وﻻ ﻻ

  😀

  المهم فانا قررت اني اكتب بوست على السريع كدا فيه كلمتين كدا جوايا

  كنت ناوي ايام ما كنت مرتبط اني اكتب كتابي النهارده
  !!‬

  بس بعد ما فشلت في الموضوع دا قررت اني ادور على النص التاني وارتبط بيها النهارده‬ برضه

  ‫وبعد ما سافرت قررت اني احاول اعيش ‬

  …

  اللي انا عايز اقوله لكل عازب بقى زي حلاتي كدا او انيل او اقل

  – اجمد يا برنس او يا برنسيسه ، انت مش لوحدك وفي كتير زيك

  🙂

  – العزوبيه دي حلوة اووي ونعمه كبيره وتفائل وان شاء الله خير

  – خلي بالك من نفسك واهتم بنفسك ودايما اشتغل على نفسك واهتم انك تبني نفسك وتحسن من شخصيتك
  لان انت لما هتبني نفسك كويس هتغير نفسك ، وبعدين اهلك واصحابك وبلدك والعالم

  🙂
  علشان كدا بقولك خلي بالك من نفسك

  – تفاءل وان شاء الله نصيبك جاي جاي
  مش معنى انه اتأخر شويه يبقى مش جاي او ربنا ناسيك .. ﻻ ربنا مبينساش حد بس لكل اجل كتاب

  🙂

  …

  لو انت بقى مرتبط او بتحب او خاطب او متجوز ، ف اوعى تسمع مننا كلمه

  – احنا عالم فاضيه عندنا فراغ عاطفي ومش ﻻقيين نصنا التاني !

  – في مننا اللي مبيدورش وفي اللي دور وملاقاش

  – وفي اللي دور ولقى وهيكتب استقالته من المجلس اﻻعلى للعزاب

  🙂

  اسمع كلامي .. حافظ على حبك بقدر الامكان واوعى تفرط فيه ابدااا مهما حصل
  فاهم ؟؟ مهما حصل

  ياﻻ اسيبكوا بقى وخلوا بالكوا من نفسيكوا

  سلام

  Tweet

  Share this:

  • Facebook
  • Twitter
   
• 

  admin 3:43 am on June 6, 2012 Permalink | Reply
  Tags: البس علشان خارجين ( 3 ), حب ( 11 ), خطوبة   

  اوعى 

  اوعى

  اوعى في يوم تصدق واحدة تقولك الكلام الاتي دا :

  – انا عمري ما هحب غيرك

  – انا عمري ما هتخيل نفسي مع حد غيرك

  – متخافش .. انا مينفعش اكون غير ليك

  – انا اموت نفسي وﻻ اكون مع حد تاني غيرك

  – انا كل ليلة بحلم بيوم خطوبتنا انا وانت .. وانت واقف جمبي وماسك ايديا

  …

  ويوم ما هتتخطب للشاب اللي معاه فلوس اكتر منك او جاهز عنك

  هتلاقي صورها مغرقة تويتر وفيس بوك وهيا شبه عروسة المولد ويمكن تكون ملزقه زيها برضه

  وهيكون جمبها طبعا الخروف -احم- قصدي العريس .. عريس المولد

  وكأن لسان حالها بيقول : عبوكوا كلكوا

  😀 😀

  واذا كانت قالتهولك ف : البس علشان خارجين

  😛

  بالشفا يا معلم

  😀

  Tweet

  Share this:

  • Facebook
  • Twitter