السلام عليكم اهل المريخ واهل الزهرة
اللي هبطوا على كوكب الارض بسلام
🙂
دلوقتي -وعلى طريقة المذيع الرياضي محمود بكر- واحد يسألني ويقولي : يعني ايه الكتاب الاخضر ؟؟
الاجابة : الكتاب الاخضر هو كتاب “الرجال من المريخ والنساء من الزهرة”
..
طب واحد تاني هيسألني ويقولي طب ايه علاقة الكتاب دا بالكتاب الاخضر ؟
الاجابة : ببساطة شديدة ان كتاب “الرجال من المريخ والنساء من الزهرة” لونه اخضر
😀
في الحلقات القادمة ان شاء الله
هنعرف اهم واخر مستجدات الكتاب الاخضر
والعلاقة بين المريخي والزهرية
” المريخي هو الرجل “
” والزهرية هي المرأة “
وهنعرف اتقابلوا ازاي ؟ .. وازاي حصلت قوى الانجذاب بينهم ؟ .. وايه اللي حصل بينهم ؟
وليه حصلت مشاكل بينهم ؟
وكيفية التغلب علي هذه المشكلات ؟
وكيفية تجنبها .. لعدم حدوث مشاكل مشابهة مرة اخري
🙂
ببساطة خاالص
احنا – او العذاب بمعنى ادق- هنحكيلكم الكتاب في جمل بسيطة وسهلة
بحيث ان اللي هيفكروا في يوم من الايام يتأهلوا ويتجوزوا
يكون عندهم ” توتوريال “ عن كيفية التعامل مع الجنس الاخر بين قوسين الزهريات او المريخيين
لان في النهاية الكتاب دا بيتكلم عن الاتين مش واحد بس
ولو احنا حلينا مشكلة طرف واحد بس يبقى كدا احنا معملناش حاجة !!
فالهدف الرئيسي هنا
هو ان العزاب
ويقصد بها الرجل والمرأة الذين لم يتأهلوا ….. احم قصدي يتزوجوا
يكونوا عارفين شخصية الطرف الاخر حتى لا تحدث المشكلات
🙂
انتظرونا .. وتابعونا
…
امضاء : عازب حتى الان .. واللي اتلسع من الشوربة ينفخ في الكتاب الاخضر
😀
Reply