اشكي لمين؟
ازيكو ؟
يا ترى لسه فاكرين العزاب ؟
انا قولت اجي افكركم بينا ونشكي لبعضنا
ملناش غير بعضينا يا عزاب
—
انا عايز اشكي وافضفض بس كالعاده محدش فاضي
في حد فاضي نرغي مع بعض هنا في الكومنتس ؟
ازيكو ؟
يا ترى لسه فاكرين العزاب ؟
انا قولت اجي افكركم بينا ونشكي لبعضنا
ملناش غير بعضينا يا عزاب
—
انا عايز اشكي وافضفض بس كالعاده محدش فاضي
في حد فاضي نرغي مع بعض هنا في الكومنتس ؟
مساء الخير كوكو الارض
..
فاكرين زمان لما الرجال سابو كوكو المريخ ، والستات سابت كوكو الزهره ؟
“ونزلو اتقابلو على الارض ؟”
طب انا مش فاكر .. هفتكر ازاي طيب ؟
منا مكنتش معاهم .. انا جيت لقيتني هنا
وبعدين قعدوا محتارين يتعاملو مع بعض ازاي
وبلاد توديهم .. وبلاد تجيبهم
وموجه تطلعهم .. وموجه تنزلهم
“حد من اللي قرو الكتاب فاكر موضوع الامواج دا ؟”
اهو حضراتكم انا من يومها وانا راشق في القاع
مش عارف اطلع
محدش ينوبه ثواب يقولي اطلع ازاي ؟
“اطلع يا عبووووود”
لا لا .. اطلع مع الموجه يعني وابقى فوق
حد يطلعني من الحفره دي بقى
لا … انا قاعد هنا شويه
“اسكت بقى شويه .. اسكت”
..
انا عايز ارجع كوكو المريخ
اجيب الموضوع من بدايته
!!
لو كان لي قلبان لعشت بواحد
و تركت قلبا في هواك يعذب
لكن لي قلبا تملكه الهوا
لا العيش يحلو له ولا الموت يطلب
كعصفورة في أيدي طفلاً يضمها
تذوق سياط الموت و الطفل يلعب
فلا الطفل ذو عقل يحن لما بها
و لا الطير ذو ريش يطير فيهرب
…
انت كداب يا عم قيس يا ابن الملوح
بصفتي واحد من مؤسسين الكيان دا
واعتقد اني الوحيد اللي باقي منهم لسه وربنا يستر
😀
ف احب ابارك واهني لاخويا وصديقي
السيد جمال
امبارح 19 ابريل 2014
مبروك يا اخ سيد
…
برضه عايز ابارك لاخويا وصاحبي
تامر كمال
اللي فرحه كان يوم الخميس 10 ابريل 2014
الف مبروك يا تموره
😀
..
كان نفسي اكون موجود معاكو والله يا شباب
بس ياﻻالحمد لله
الف مبروووك يا شباب وعقبال ما افرح بعيالكو كدا
🙂
..
* الصور مسروقه من بروفايلات العرسان
..
ولما تلاقينا على سفح رامة .. وجدت بنان العامرية أحمرا
فقلت خضبت الكف بعد فراقنا .. قالت معاذ الله ذلك ما جرى
ولكنني لما وجدتك راحلا .. بكيت دما حتى بللت به الثرى
مسحت بأطراف البنان مدامعي .. فصار خضابا في يدي كما ترى
….
هاااححححح
يا سلام يا عم قيس يا رايق انت
ابختك يا عم
..
انا اﻻقي واحده تقولي ” بكيت دما حتى بللت به الثرى ” ، وافضل عازب ؟؟
دا انا ابيع العزاب والموقع والعزوبية واصحابي
واشتريها
يااااااااااه … مسسسمممم
هااااحححححح
😀 😀
هو مين فينا اللي خان ؟
بيقولوا دايما البنات هي اللي بتخون .. اول ما بتلاقي الشاب الجاهز بتوافق علطول
وبيقولوا برضه: ان الشاب هو اللي بيخون وهو اللي بياع ، وكل يوم قلبه مع واحده ، وزي القرع يمد ل بره
..
الحقيقة ان مفيش حد بيخون حد
اه .. اه .. فكر فيها كدا
هي في نظرك لقت الشاب الجاهز او الحب القديم وخانتك
بس في نظرها انها عايزه تلحق سنها وشبابها والعيلة وكلام العيلة بيبتدي عليها اول ما توصل 21 سنه
..
وهو في نظرك انه زي القرع وديل الكلب والكلام دا كله
بس من وجهة نظره انه عايز البنت الكاملة .. او اهله ضغطوا عليه علشان الجوازة دي في مصلحة العيلة والكلام دا
..
طيب بالمختصر المفيد
لا هي خانتك ولا هو خانك .. كل الحكاية مصالح
🙂
كون انك بقى مش فاهم ان الحياة مصالح .. يبقى العيب فيك انت
طبعا دي مش نظرة تشاؤمية .. ابسلوتلي .. دي الحكيكة
ودا رأيي وانا حر فيه
!!
في النهاية احب اهنئ سعيد وسعيده على الفرح السعيد في حضور المعازيم السعداء .. في هذا الكوكب السعيد بساكنيه
…….
…
.
عايزين ابتسامه في اخر البوست بعد الكلام دا ؟؟
والله منا مزعلكوا
..
فين الابتسامه الحلوة ؟؟ اهي يا جو اهي
🙂
حافظ علي الابتسامة يا جو و عيشها متصطنعهاش 🙂
السلام عليكم
نظرا لما يمر به العزاب في الفترة الحالية من فتور وعدم اقتناع بالمبادئ الاساسية للعُزاب
والسعي ورا شريك الحياة
لهذا
قررت ان اكتب هذه البوست وسيكون عبارة عن مقترح للقَسَم (الحلفان يعني) الرسمي للعزاب
علشان نشد حيلكوا شوية ونقوي بعض
صاااااامدوون
..
بسم الله
أقسم بالله العظيم
ان اكون عازبا صالحا ، لا اسعى وراء اهوائي وشهواتي ، وان أحافظ على اي بنت ماشية في الشارع
(متروحش تعاكس وكدا .. اعتبرها اختك يا اخي .. زي اعتبره ابوك يا اخي كدا)
وان أحافظ مخلصا على النظام العزابي وشقه العزوبية
وان أرعى مصالح اخواني واخواتي العزاب رعاية كاملة ، وﻻ اضرهم عندما اخطب او اتزوج
وان ﻻ انصحهم بأن الخطوبة حلوة او الجواز جميل
(يعني مجرش رجيلهم يعني واسيبهم في حالهم)
وان احافظ على استقلال العزاب ، وسلامة عقولهم من اي مندسين
لغاية اما ربنا يكرمني ويرزقني ببنت / ابن الحلال اللي يحافظ عليا ويصوني ويصوني بيتي
ويستحق انه يكمل معايا بقية مغامرة حياتي
والله على ما اقول شهيد
..
– طبعا كل دا لسه تحت بند مقترح ، واقتراحات الاعضاء مسموح بها طبعا في التعليقات
اللي عايز يزود او ينقص اوك
– صيغة المذكر تنطبق على المذكر والمؤنث ، يعني القسم يمشي مع العزاب والعازبات
مشوفناش عضوة في مجلس الشعب بتقول ان اكون مواطنه صالحه مثلا ، فالصيغة ماشية مع الاتنين يعني
والله الموفق
🙂
صــــامدووون 🙂
صااامدوون حتى النهاية
🙂
انا موافق يا ريس على الأقتراح دة
خصوصا البند دة : ” وان أرعى مصالح اخواني واخواتي العزاب رعاية كاملة ، وﻻ اضرهم عندما اخطب او اتزوج
وان ﻻ انصحهم بأن الخطوبة حلوة او الجواز جميل
(يعني مجرش رجيلهم يعني واسيبهم في حالهم) ”
😀 😀
loool
شكلها هتبقى موافقه بالاجماع
😀
7elw 2l klam da w 3la fkra nice page ….
Thank you 🙂
هو الموضوع ابتدى انه هزار عادى ماما قالت عايزة اعمل بيتزا قولتاها ماشى انا اللى هعملها “كانت عزومة مراكبية بس و الله “
و طبعا زى ام مصرية اصيلة شايفة ان بنتها كبرت ولا زم تتعلم الطبيخ و طبعا بنتها دى اللى هى انا :D:D
فأدبست فى اللية دى
كنت فاكرة الموضوع قشطة يعنى ما انا بعرف اطبخ شوية وساعدتها فى البيتزا قبل كدا كتير بس من بعد مرحلة العجين دى :O
:احكلوا بقى اللى حصل معايا
الاول الموضوع كان عادى جدا دقيق وزيت و زيت زتون و خمبرة و ملح وسكر ولبن
المشكلة الحقيقة بدأت لما العجين لزق فى ايدى و مش عارفة اشيلها و قولها يا ماما الحقينى تقولى مليش دعوة
اتصرفى ….بس و الحمد لله تمت مرحلة العجين بصعوبة وعدت على خير
بعض النظر عن الدقيق اللى ملى المكان وغطانى انا كمان 😀
وعملت البيتزا واكلناها الحمد لله ومحدش جاله تسمم و لا الاسعاف و المطافى جم 😀 ومش هعملها تانى :D:D
admin 2:28 pm on March 23, 2022 Permalink |
Why guys don’t open up about their problems ?
(guys .. not me .. I’m always sharing my problems 😂😂)